Arab xalq ertaklari turli millatlar tomonidan ardoqlab, sevib oʻqiladi. Ularda insoniylik, kamtarlik, sof sevgi, halollik kabi umumbashariy qadriyatlar jozibali tasvirlanadi. “Alibobo va qirq qaroqchi” ertagi qahramoni Alibobodagi rostgoʻylik, halollik, Marjonadagi ziyraklik, uddaburonlik har qanday kishini mushohadaga undashi, shubhasiz. Bu ertak yosh kitobxonlarni ezgulik va yaxshilikka undashi barobarida ularga hayotning turli toʻsiqlaridan yengilmay, mardona oʻtish kerakligini oʻrgatadi. Garchi asar oʻzga millat hayotidan hikoya qilsa-da, ularni oʻqigan oʻquvchi adabiyot millat tanlamasligiga yana bir bor amin boʻladi.