“Alisher Navoiy” – avvalo, Yaratgan Parvardigor va uning ijodi boʻlmish inson zotiga, inson dahosiga ulkan muhabbat, cheksiz ixlos zavq-u shavq bilan dunyoga kelgan asar, desak yanglishmaymiz. Alisher Navoiy haqida Oybekning romani, Mirkarim Osimning qissa va hikoyalari, Vohid Zohidov, Izzat Sulton, Aziz Qayumov, Suyima Gʻaniyeva kabi adabiyotshunoslarimiz teran ilmiy-badiiy tadqiqotlar yaratgan. Isajon Sulton ana shunday kishilar “panjasiga panja urish”ga ahd qilgan. Yozuvchining oʻz qarashi, oʻz yangi soʻzi bor.