Jahon madaniyati tarixida asrlar davomida muhim ahamiyatga ega boʻlgan “Alpomish” dostoni oʻzbek xalq dostonchiligining eng sara yodgorligidir. Oʻn asrdan buyon avloddan-avlodga oʻtib kelayotgan qadimiy bu doston mard oʻzbek xalqi qalbiga donishmandlik, haqiqatgoʻylik, adolat gʻoyalarini singdiruvchi qahramonlik qoʻshigʻidir. Asarning bosh qahramonlari Alpomish va Barchinoy boʻlib, ular chaqqonlik, botirlik va jasorat, oʻz xalqiga sadoqatlilik singari eng oliyjanob insoniy fazilatlarga ega. Dostonda ifodalangan udum va an’analar oʻzbek xalqining milliy ruhini aks ettirganligi bilan asarning qadr-qimmatini yanada oshirib, oʻquvchilarni oʻziga jalb etadi.