Rashod Nuri Guntekinning qalamiga mansub “Choliqushi” asari ishqiy mavzuda boʻlsa-da, aslida unda ijtimoiy muammolar yoritilgan. Romanning toʻrt qismi bosh qahramon Feridening xotira daftari orqali hikoya qilinadi va soʻnggi qismida uning Komron bilan uchrashuvi aks etadi. Asar qahramoni besh yil davomida oʻz muhabbatidan qochib, turli sinovlarga uchraydi, muallimalik, hamshiralik sohalarida faoliyat yuritadi. Ammo asar yakunida ishq hikoyasi baxtli yakun topadi.