Adib Urfon Otajonning nomi kitobxonlarga tanish. Ijodkor mazkur kitobida xalqimiz tarixining ba'zi lavhalarini qalamga oladi. Xususan, millat quyoshi Alisher Navoiy, iste'dodli musavvir Kamoliddin Behzod, saltanat egasi Husayn Boyqaro va uning atrofidagi insonlarga oid hikoyatlardan tashkil topgan. Hikoyatlar badiiy jihatdan puxta ishlangan, yozuvchi mohir bogʻbon singari har bir "daraxt"ni mohirona parvarish qilgani koʻrinib turadi. Muallifning mahorati bilan XV asrdagi Hirot koʻz oʻngimizda yorqin boʻyoqlar bilan aks etadi.