Hali hayot bor

Yozuvchi Ahmad Aʼzamning koʻplab hikoya va novellalari, qissa hamda jahon adabiyotidan qilgan tarjimalarini adabiyot ixlosmandlari sevib mutolaa qilishmoqda. “Hali hayot bor” qissasining nomidan ramziy maʼnoni anglash mumkin. Yaʼni chinakam yozuvchi uchun ijod – bu hayot demakdir. Oldinda ijodiy maqsadlar va ijodga ishtiyoq bor ekan, demak, yozuvchi uchun hayot bor. U mudom munavvar hayotga intilib yashashda davom etaveradi va natijada goʻzal asarlar bunyodga keladi. Bu, ayniqsa, yosh adiblarimizga oʻziga xos ibrat namunasi boʻladi, desak yanglishmaymiz.