Mashhur bolalar shoiri Tursunboy Adashboyevning “Harflarning sarguzashti” dostoni oʻtgan asrning 80-yillarida yozilgan. Asarda maktabda yaxshi oʻqimaganligi uchun Sobirjon ismli quloqsiz bolaga tegishli harflar qochib ketadi va kitobxon ularni Sobirjon bilan birgalikda izlab topadi. Qiziqarli soʻz oʻyiniga qurilgan bu hajman kichik asar kitobxonni befarq qoldirmaydi, u bir zumda jajji oʻquvchilar yodida qoladi.