Romanda somoniylar zamonasiga xos tarixiy voqealar, jarayonlar qatorida hazrati Imom Moturidiy siymosi yaqqol namoyon boʻladi. Roman badiiy asar boʻlishiga qaramasdan uni oʻqigan kitobxon Islom dinining sof aqidasidan oʻziga xos taʼlim oladi. Ahli sunna val jamoa mazhabining eʼtiqodiy masalalari Abu Mansur Moturidiy nomidan romandagi dialoglarda mohirlik bilan singdirib yuborilgan.