Mámelek oy

Ibrayım Yusupovtıń «Mámelek oy» poeması – shayırdıń keńes dáwirindegi ideologiyanı súwretlewde sheberlik penen oylap tapqan tuwındısı. Dáslep «mámelek» degen sózdiń mánisine úńilip qarasaq, xalıqtıń túsiniginde burınnan bar bolǵan uǵım kóz aldımızǵa keledi. Adam jolǵa shıqsa, geyde barar mánzilin taba almay, bir jerde aylanıp júre beredi. Usını adamlar «mámelek aylandırdı» deydi. Shayır usı kórkem detaldan paydalanıp, bir ǵarrınıń eshek penen úyine qaytıp kiyatırıp joldan adasıp, bir jerge qayta-qayta aylanıp kele beriwi arqalı ótken kommunistlik partiyanıń húkimranlıq etken dáwirin ashıp beredi