Xalq badiiy tafakkurining rangin va umrzoq mevalaridan biri qoraqalpoq elining “Masposhsho” dostonidir. Gʻoyaviy yuksakligi va badiiy oʻziga xosligi jihatidan u xalq orasida keng maʼlum boʻlishi va sevimli asarlardan biri sifatida ardoqlanishi tasodifiy emas. Asosiy gʻoyasi el-yurt va muhabbatni himoya qilishdan iborat boʻlgan bu doston – “Alpomish”, “Xoldorxon” singari xalq ijodi namunalarini sevib, eʼzozlab yurgan oʻzbek oʻquvchilariga munosib armugʻondir.