Mıńlardıń biri

M.Dáribaevtıń dóretiwshiliginde hám 1930-jıllardaǵı qaraqalpaq ádebiyatı tariyxında onıń «Mıńlardıń biri» (1940) proza janrınıń úlken tabısı sıpatında belgili orın iyeleydi. Povesttiń teması qaraqalpaq xalqınıń feodallıq dáwirdegi awır turmısı, miynet adamlarına jergilikli baylar menen patsha chinovnikleriniń kórsetken zulımlıǵı, qaraqalpaq hayal-qızlarınıń teńsizlik jaǵdayı, jańa turmıs dushpanlarına qarsı gúres súwretlengen. Shıǵarmanıń bas qaharmanı Erpolat, Erpolattıń obrazında sol dáwirdegi jámiyettiń qarama-qarsılıǵı bayan etilgen. Erpolat obrazı tabıslı shıqqan, ol ózinde sol dáwirdiń hádiyselerin kórsete aladı.