Moʻminning najoti. Mufassal zakot kitobi

Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitasining 2023-yil 7-noyabrdagi 03-07/8233-raqamli xulosasi asosida tayyorlandi. Islom dinining besh ruknidan uchinchisi boʻlmish zakot ibodati haqida kerakli maʼlumotlarni oʻqib-oʻrganish va bilish, ularga amal qilish har bir musulmon uchun ham farz, ham qarzdir. Shuning uchun zakot haqidagi bilimlarni keng tarqatishga hamisha ehtiyoj boʻlgan va bu borada juda koʻp kitoblar taʼlif qilingan. Oʻquvchilarimiz bu kitobdan zakotning farzligi, uning fazilati haqida, zakoti beriladigan va berilmaydigan mollar haqida, zakotga haqdorlar va zakotning toʻgʻri boʻlish shartlari xususida batafsil maʼlumot oladilar. Shuningdek, mazkur “Moʻminning najoti” kitobida koʻpchilikni doimiy ravishda qiziqtirib keladigan masala – qaysi xildagi mollardan qay tarzda va qancha zakot chiqarilishi haqida ham soʻz yuritiladi. Yana unda chorva hayvonlaridan olinadigan zakotlar va mazhablarning bu boradagi fikrlari haqida ham atroflicha soʻz yuritiladi.