Moʻminning qalqoni

Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitasining 2024-yil 8-oktyabrdagi 04-07/6040-raqamli xulosasi asosida chop etildi. Muhtaram oʻquvchilarimizga yaxshi maʼlumki, bundan sal oldinroq koʻpchilikning talab-istaklarini inobatga olgan holda Islom arkonlari haqida mufassal maʼlumot beruvchi turkum kitoblar nashr qilish yoʻlga qoʻyilgan edi. Mazkur turkumning namozga bagʻishlangan “Moʻminning meʼroji” kitobi oʻquvchilarimiz tomonidan yaxshi kutib olinib, uning birinchi nashri juda tez tarqalib ketdi hamda tez orada ikkinchi nashri ham sotuvga chiqdi. Bugun sizlarning hukmingizga shu turkumdagi kitoblarning navbatdagisi – roʻza masalalariga bagʻishlangan “Moʻminning qalqoni” nomli mufassal roʻza kitobini taqdim qilayotganimizdan mamnunmiz. Zero, roʻza bandalarni gunoh va xatolardan, doʻzax oʻtidan toʻsuvchi qalqondir.