Nur borki, soya bor

Yosh qalamkash Sherzod kasalxonaga tushadi-yu hamma narsani pul bilan oʻlchaydigan Sayfi Soqiyevich bilan hamxona boʻlib qoladi. Tabiatan sofdil, pok eʼtiqod bilan yashashga oʻrgangan Sherzod “dunyoda yo zaring boʻlsin, yo zoʻring” degan shior bilan yashaydigan bunday odamlardan nafratlanadi, ikkovlarining oʻrtasida keskin ziddiyat tugʻiladi... Yozuvchi Oʻtkir Hoshimovning “Nur borki, soya bor” romanida zamondoshlarimizning pok eʼtiqod uchun kurashi tasvirlangan. Oʻtkir Hoshimov tiniq tasviri, qahramonlar ruhiy olamini chuqur ochishi, tilining ravonligi bilan kitobxonlar mehrini qozongan yozuvchi. Ushbu asar uning birinchi romanidir. Audiokitob “Sanʻat gulshani” studiyasi tomonidan tayyorlangan.