Oltiariq hangomalari

Yigirmanchi asrning 80-yillari boshida “Mushtum” jaridasida sonma-son berib borilgan “Oltiariq hangomalari” turkumidagi hayotiy latifalar bodringchilar qishlogʻini oʻlkamizda yanada mashhur va suyukli qilibgina qolmay, kulgi ixlosmandlari orasida shu qadar eʼtibor qozondiki, koʻp oʻtmay turli gazeta-jurnal sahifalarida har xil joylar nomi bilan ataluvchi hangomalar paydo boʻla boshladi. Ularning aksariyati matbuot sahnasida uzoq tura olmadi, ammo “Oltiariq hangomalari” oʻshandan beri oʻzligini saqlab kelmoqda.