Ona tarbiyasi

Mashhur turk yozuvchisi Aziz Nesinning asarlari oʻzbek kitobxonlariga yaxshi tanish. Ushbu kitobdan uning "Gʻaroyib bolalar" romani va bir-biridan mazmunli hikoyalari oʻrin olgan. Roman avval sinfdosh boʻlgan, keyin biri boshqa shaharga koʻchib ketgan oʻn yoshli Zaynab va Ahmadning bir-biriga yozishmalari asosiga qurilgan. Yosh bola nigohi orqali kattalarning nojoʻya xatti-harakatlari, oʻzaro munosabatlaridagi yolgʻon, munofiqlik, soxtaliklarga qanchalik haqqoniy baho berishi, ich-ichidan ularga qarshi isyon koʻtarishi hayotiy voqealar asosida ifoda etiladi. Aziz Nesinning eʼtiboringizga havola etilayotgan toʻplamdan oʻrin olgan hajvga, chuqur falsafiy mazmunga yoʻgʻrilgan hikoyalari ham oʻquvchilar tarbiyasiga, dunyoqarashiga faqat ijobiy taʼsir etishi bilan oʻziga xos.