Qoraqalpogʻiston xalq yozuvchisi Muratbay Nizanovning “Oxirat uyqusi” deb nomlanuvchi ushbu romanida oʻtgan davr voqealarini yoritishga harakat qilingan. Muallif oʻz qahramonlari boshidan kechirgan murakkab vaziyatlarni ortiqcha boʻyab-bejamasdan, nihoyatda ishonarli tarzda gavdalantirishga harakat qilgan. U inson tabiatidagi chigalliklarni, hayotning turfa ziddiyatlarini haqqoniy yoritishdan choʻchimagan. Roman qahramoni Oʻtamurot oxirat uyqusiga ketish oldidan oʻz hayotini kinolenta kabi koʻz oldidan oʻtkazadi. U odamlarga qilgan yaxshiliklarini, bilib-bilmay yoʻl qoʻygan xatolarni, yaqinlariga nisbatan qilgan xiyonatlarini sarhisob qiladi.