Oybekning “Qutlugʻ qon” romanining bosh qahramoni Yoʻlchi – mard, halol, oqkoʻngil, olijanob yigit. Maʼlumki, inson oʻzi qanday boʻlsa, oʻzgalar haqida ham shunday oʻylaydi. Shuning uchun ham Yoʻlchi shahardagi qarindoshlardan mehr-muruvvat kutadi. U oʻziga qilinadigan yaxshiliklar evaziga halol mehnati bilan badal toʻlay oladi. Buni siz romanda yigitning mehnatdan qoʻrqmasligi, ishning koʻzini bilishi tasvirlangan oʻrinlardan payqab olasiz.