Xosiyat Rustamning sheʼrlari irmoq yangligʻ qalblarga jildiragancha oqib kiradi. Shoira kitobxon bilan tuygʻular tilida soʻzlashadi. Shunday ekan, muallifning zumrad misol jilvalanmish serjilo olami siz – aziz sheʼrxonga muntazir. Sheʼrlar ichra koʻz va qalb ila kezinib, nafis hissiyotlar, yorugʻ taskinlardan bahra olasiz. Shu bois ham kitob qalbingiz toʻridan joy olishiga shubha yoʻq.