Tólepbergen Qayıpbergenovtıń «Sekretar» povesti – qaraqalpaq ádebiyatınıń eń belgili shıǵarmalarınıń biri. Onda urıs dáwirindegi awıl turmısı, adamlar arasındaǵı qarım-qatnaslar, urıs aqıbetleri, shıǵarma qaharmanları bolǵan mektep oqıwshılarınıń xalıqqa tiygizgen járdemi, miynetkeshligi, mártligi súwretlenedi. «Gúrish shiginsiz bolmaydı» degenindey, povestte satqın obrazı oqıwshıda jekkóriwshilik sezimlerin payda etedi. Ulıwma alǵanda, bul shıǵarma tárbiyalıq áhmiyetke iye bolǵan qunlı dóretpe.