Jo‘rabek Ramazonning gohida oqchorloqlar erinibgina suv sathida qiyalab uchgan vaqtdagi ummon sokinligini, gohida esa to‘lqinlarni vahimaga solib esgan shamollar tug‘yonini yodga soluvchi she’rlarining barida borliqqa, tabiatga, odamlarga eng muhimi – hayotga muhabbat bor. Qisqa umr yo‘li mobaynida o‘zidan salmoqli she’rlar qoldirgan hayotsevar shoirning ijod namunalaridan tuzilgan ajoyib guldasta sizga manzur bo‘ladi degan umiddamiz.