Shahzoda va gado

Muallifdan: “Sizlarga hikoya qilmoqchi boʻlgan bu qissamni men birovdan eshitganman, u otasidan eshitgan ekan, uning otasi esa buvasidan, buvasi ham oʻz otasidan eshitgan ekan va hokazo. Xullas, uch yuz yil, balki bundan ham koʻproq vaqt mobaynida otalar buni bolalariga hikoya qilaverganlar va shu tariqa bu qissa bizgacha saqlanib kelgan. Ehtimol bu voqea chindan ham boʻlgandir, ehtimol rivoyat yoki afsonadir, lekin har holda bunday voqeaning boʻlishi mumkin. Balki ilgari zamonda bunga faqat donishmand va oʻqimishli kishilar ishongandirlar, balki oʻqimagan oddiy kishilar ham ishonib, bu qissani yaxshi koʻrib qolgandirlar”.