“Tarixi anbiyo va hukamo“ – Alisher Navoiy qalamiga mansub asar. Anbiyolar, avliyolar, ilm egalari va donishmandlar tarixini oʻrganishga bagʻishlangan. Asar ikki boʻlimdan iborat boʻlib, dastlab „Tarixi anbiyo“ – paygʻambarlar tarixi, soʻng „hukamo“ “ hakimlar va donishmandlar haqidagi maʼlumotlar keltiriladi. Kitobda ilk paygʻambar Odam atodan boshlab, 59 ta paygʻambarlar va valiylar, 4 ta obid va 13 ta olim haqida toʻxtalib oʻtilgan. Asarda dastlabki paydo boʻlgan buddaviylik, nasroniylik va islom dinining paygʻambarlari va ularga xos qimmatli maʼlumotlar keltirib oʻtilgan. Paygʻambarlar bilan bogʻliq qissalarda Qurʼoni karim oyatlariga murojaat qilingan Alisher Navoiy asarda anbiyolarni toʻrtta guruhga ajratadi.