Shıńǵıs Aytmatov ómiriniń sońǵı jıllarında "Qulaǵan tawlar" ("Mangu qayliq") dep atalǵan romanın jazdı. Onda bazar ekonomikasına ótip atırǵan, jedellik penen globallasıw processlerine kirip baratırǵan házirgi dúnyanıń ruwxıy-ekonomikalıq mashqalaların Qırǵızstan, Oraylıq Aziya haqıyqatı, adamlar táǵdiri, turmısı, sanasında júz berip atırǵan keskin, awır ózgerisler menen únles halda sáwlelendirdi. Tábiyat, jámiyet, insan táǵdirinde júz berip atırgan ráńbáreń hádiyselerdi barlıq tragediyaları menen birge bir pútin súwretledi.