Faxriddin Hayitning “Tong tushlari” nomli yangi toʻplamidan joy olgan sheʼrlarida inson olamining turfa timsolini ruhan anglagandek boʻlasiz. Goh joʻshqin, goh hazin, goh isyonli, goh sokin hissiyotlar bilan qalb manzillariga yetasiz. Manzaralar, goʻzal tashbehlar, sevgi va sogʻinch, Vatan va tasavvur, maʼno va ruhiyat, hayot va erk, halovat va iztirob kabi koʻngil kechinmalari misralarda oʻz aksini topgan.