Yaxshilik va silayi rahm

O‘zbekiston Respublikasi Vazirlar Mahkamasi huzuridagi din ishlari bo‘yicha qo‘mitaning 2021-yil 09-iyuldagi 03-07/4390-raqamli xulosasi asosida chop etildi. Mazkur asar buyuk vatandoshimiz, Movarounnahr diyoridan chiqqan qadim ulamolardan biri, hijriy 246 sanada vafot etgan Husayn ibn Hasan Marvaziy rahmatullohi alayhining "Kitabul birri vas-sila" nomli kitoblarining sharhlangan tarjimasidir. Ushbu nodir asar diynimizdagi eng mo‘tabar ibodatlardan biri - yaxshilik qilish va qarindosh-urug‘lik rishtalarini bardavom qilish, ya’ni silayi rahm qilish haqidadir.