"Qoraqalpoq xalqining mumtoz shoiri Berdaqning ushbu sheʼrlar toʻplamiga yangi tarjimalar kiritildi. Shu bilan birgalikda mustaqillikdan avvalgi yillarda mustabid tuzum tazyiqiga koʻra qisqartirib bosilgan asarlar asliyatga solishtirilib, toʻldirildi. “Yurt gʻamxoʻri kerak menga” nomli ushbu kitobni mutolaa qilgan oʻquvchi Berdaqning sheʼrlari bugungi kun uchun ham naqadar dolzarb va zarur ekanligini his etadi. Shoir adabiy merosining umrboqiy ekanligining siri shundadir."