Besh bolali yigitcha

Xudoyberdi Toʻxtaboyev qalamiga mansub boʻlgan Besh bolali yigitcha romani ajoyib asar boʻlib, roman Urush davridagi bolalik voqealarini aks ettiradi. Bosh qahramon Orif - nafaqat besh nafar goʻdakning akasi, u qarovchisiz bolalarning, oʻz oilasining kichik yoʻlboshchisi ham. Oila shamchirogʻi oʻchib qolmasligi uchun Orifning zimmasiga ulkan mas'uliyat yuklangan. Ota-onasidan judo boʻlgan bolalar oʻz dunyosida yashasalar-da, urush, vayronagarchiliklarni toʻla his etadilar. Front uchun zambarak sotib olish maqsadida borbudini sotgan qariya-chi? Adolat uchun oʻzini o'tga, cho`qqa urishga shay turgan bolalar uyining omadsiz direktori rus ayoli Mariya Pavlovna-chi? Oriflar oilasi yaxshi odamlar orasida yashaydi, biroq hayot kabi haqiqat qissasi ham shafqatsiz va yaxshi odamlar hamma vaqt ham boshiga musibat tushgan bolalarga yordam qo`llarini cho`za olmaydilar. Ammo ular go`daklar yonida bo`lmasalar -da, mehribonlik ko`rsata oladilar . Bu esa yaxshi qahramonlarning emas, balki yovuzlikka qarshi kurashib, dunyoni munavvar etuvchi yaxshilik, ezgulikning kuchidir! Adib mazkur haqiqatni tasdiqlar ekan, bolalarning Toshkentdan Qo'qonga qadrdon qishloqlariga kelishdagi mashaqqatti yo'lida ezgulik yordam qilgani, yovuzlik esa xalaqit berganini yorqin aks ettiradi.