Hikoya qahramonlari – yozuvchi, tilshunos olim, injener, etikdoʻz, militsiya kapitani va buxorolik bir bemor. Ular turli yoshda va turli kasb egalari. Ular bir xonada davolanishadi. Nosirjon yangi bemor, tabiiy holki, zerikib yotgan kasallar yangi kasalni zimdan kuzatadi. Nosirjon samimiy, sodda yigit. U boshidan oʻtganlarini, koʻrgan voqealarini soʻzlab beradi. Uning xarakterida boshqalarda uchramaydigan odamgarchilik, mehnatkashlik, mehribonlik, hatto muomala madaniyati ham oʻta kuchli tasvirlangan.