Bozirgon

“Goʻroʻgʻli” turkumi dostonlari yuzga yaqin xilma-xil mazmundagi asarlarni oʻzida birlashtirgan ulkan silsiladir. Shu silsila sirasidan “Bozirgon” dostoni ham oʻrin egallagan. Xalq baxshilari bu turkumga kiruvchi dostonlarni sevib kuylab kelganlar. Ushbu jildga Rahmatulla shoir Yusuf oʻgʻlidan yozib olingan 27 doston kiritildi.  Ularda afsonaviy xalq qahramonining tugʻilishi, uning bahodirona yoshligi, jasoratlarga toʻla hayoti, ozodlik oʻlkasi – Chambil shahrining bunyod etilishi, asrandi farzandlar – Hasanxon va Avazxonlarning Chambilga keltirilishi, ularning bahodirliklari turli-tuman sarguzashtli voqealar girdobida tasvirlanadi. Dostonlar qahramon va sevimli yor sadoqati, ota-ona va farzand burchi, birodarlik va doʻstlik, ona yurtga muhabbat masalalaridan bahs etadi. Har bir doston badiiy mukammalligi va jozibadorligi bilan kitobxonni oʻziga jalb eta oladi.