"Asqad Muxtorning bu romani sharq adabiy anʼanalarini eslatuvchi yangi bir shaklda yozilgan. Chinorning azim shoxlariday har tomonga tarvaqaylab ketgan qissalar jonli voqelikni aks ettirsa, uning teran ildizlari – hikoyatlar yaqin oʻtmish haqida, rivoyatlar esa pildirab uchgan yaproqlar singari yengil, ular badiiy tafakkur qanotida qadim afsonalarga borib tutashadi... Bularning hammasi ham bir oʻzbek oilasi haqida. Bu oila katta, qadimiy, madaniy, mehnatkash va shu maʼnoda “tagli-zotli”. Ularning har bir aʼzosi xalq hayotida maʼlum bir masʼuliyatli yukni oʻz zimmasiga olgan. Jonajon tuproqqa chuqur tomir yoygan, baquvvat va qadimiy Chinor mangulik ramzi, xalqimiz timsolidir."