Ijodi oʻzbek va tojik xalqlari uchun birdek qadrli boʻlgan mashhur yozuvchi Sadriddin Ayniyning “Eski maktab” qissasi avtobiografik xarakterga ega asar. Unda muallif bola tilidan XX asrgacha Turkiston hududidagi eskicha maktablardagi tizimning ustidan kuladi, muallimlarning tamagirligi va bilimsizligini turli qiziqarli misollar yordamida ochib tashlaydi. Qissa kitobxonda bugungi maktablardagi sharoitlar bilan jajji Sadriddin oʻqigan maktabni solishtirish asnosida bugundan toʻgʻri xulosa chiqara olish, imkoniyatlardan unumli foydalanish kabi ijobiy xislatlarni shakllantirishda yordam beradi.