Muhtaram kitobxon, siz bilan biz mustaqillik davri maʼnaviyati olamida yana bir voqeaning guvohi boʻlib turibmiz. Qoʻlingizda mashhur nemis adibi Y. V. Gyote qalamiga mansub, ikki madaniyat qonidan paydo boʻlgan farzand – yuksak badiiyati, teran falsafiy mushohadalari bilan jahon adabiyoti xazinasidan munosib oʻrin egallagan “Gʻarb-u Sharq devoni”. Uni iqtidorli shoir Sadriddin Salim Buxoriy chorak asr davomida bevosita mahorat bilan olmon tilidan tarjima qilgan. Kitobga asar tarjimasi va unga oid ilmiy adabiy sharhlar ham kiritilgan boʻlib, unga alohida nufuz bagʻishlagan.