“Galatepaga qaytish” – Murod Muhammad Doʻstning dastlabki yirik asari. Unda oʻtgan asrning 80-yillari haqida behalovat, beorom zamondoshlarimiz – oʻzbek ziyolilarining hayoti toʻgʻrisida, muhabbat va imon, haq va haqiqat yoʻlidagi iztirobli, gohida chigal izlanishlar, ana shu izlanishlar sabab inson qalbida kechadigan turfa ruhiy kechinmalar haqida oʻziga xos ohang va rang bilan hikoya qiladi.