Gobsek

Jahon adabiyotining yirik vakili Onore de Balzak nomi oʻzbek kitobxonlariga yaxshi tanish. Uning “Insoniyat komediyasi” turkumidagi qator asarlari turli yillarda oʻzbek tiliga oʻgirilgan. Siz tanishayotgan “Gobsek” qissasi ham oʻtgan asrning 80-yillarida mohir mutarjimlar tomonidan oʻzbekchalashtirilgan. Asarda Gobsek ismli sudxoʻrning taqdiri yoritilish asnosida XIX asr Fransiya kiborlar jamiyatining yashash tarzi va Buyuk fransuz inqilobi kabi qator tarixiy mavzular ham qalamga olinadi. Kitobxon Gobsek taqdiri misolida ortiqcha xasislik nafaqat bir kishining, balki butun oilaning ham tanazzuliga sabab boʻlishi mumkinligini anglaydi. Asardan oʻrin olgan muhabbat tasvirlari ham kitobxonni befarq qoldirmaydi.