Jaloliddin Rumiy

Asar Jaloliddin Rumiyning bolaligidan umrining oxirigacha boʻlgan voqealarni qamrab olib, shirali tilda hikoya qilinadi. oʻsha davr ijtimoiy, siyosiy muhit romanda teran tasvirlangan. Yozuvchi koʻpgina hollarda juda oʻrinli ravishda Rumiy asarlaridan parchalar keltirib foydalanadiki, bu bosh qahramon maʼnaviy ichki dunyosini toʻliq ochib berishda qoʻl kelgan. Soʻfiylar, axiylar haqidagi fikrlar kitobxonni maʼnaviy jihatdan yanada boyitadi. Muallif vaqti-vaqti bilan "lirik chekinishlar" qilib ilmiy-nazariy mushohadalarini ham beradiki, bu Rumiy falsafasining magʻzini kitobxon toʻliq anglashiga yordam beradi. R. Fishning ushbu romani oʻquvchiga Mavlono Rumiy hayoti va ijodi haqida ancha toʻliq maʼlumot bera oladi hamda kitobxonni Rumiy yashagan davr muhitiga oshno qiladi.