Júrektegi jańǵırıq – bul shayırdıń dúnya menen qurǵan ruwxıy sáwbeti, sonshama waqıttan beri qatparlanıp qalǵan hijran daǵlarınıń qosıqtıń otlı nápesinen erip ketiwi... Shayırdıń bul qosıqlar toplamınan "Xalqım menen maqtanaman", "Balalar úyi", "Esińde me?", "Anam-aw, anam!", "Úlken úy", "Ana", "Áke", "Ata-ana", "Balalıq", "Watan" ómir qubılısları, haqıyqat, iyman, insap, hadallıq, ana tili, muhabbat haqqında jazılǵan lirikalıq shıǵarmaları orın alǵan. Kópshilik qosıqları namaǵa salınıp xalqımız arasında keń tarqalǵan.