Shukrullo ham qatagonlik davrining ikkinchi toʻlqini jabrini chekkan, Sibirga badargʻa etilgan oʻzbek ijodkorlaridan biri, shoʻro hukumati lagerlarida ogʻir azob-uqubatlarni oʻz boshidan kechirgan jabrdiydalardan biri hamdir. Uning "Kafansiz koʻmilganlar" romani ana shu voqealarning badiiy ifodasidir. Ustoz shoirning “Hayot ilhomlari”, “Umrim boricha”, “Inson va yaxshilik”, “Inson – inson uchun” singari sheʼriy toʻplamlari, “Javohirlar sandigʻi”, “Tirik ruhlar” kabi xotira romanlari oʻzbek kitobxonlariga tanish va sevib mutolaa qilinadi.