Lison ut-tayr (nasriy bayon)

Farididdin Attorning “Mantiq ut-tayr” (Qush nutqi) dostoni oʻrta Osiyoda deyarli sakkiz asr maktab darsligi boʻlib xizmat qildi. Alisher Navoiy bolaligida yodlab olgan bu kitobga javoban, uning tasavvufiy ramziy mohiyatiga sodiq qolgani holda javobiya asar – “Lison ut-tayr”ni yaratdi. “Lison ut-tayr” – oʻrta asr haqiqat izlovchisi uchun yozilgan ilmiy va amaliy dasturdir. Doston yosh talaba uchun taʼsirchan va badiiy jihatdan goʻzal, oʻqimishli asardir. Tasavvufdan xabari boʻlmagan kishilar bundagi qissa va sheʼriy hikoyalami dunyoviy adabiyotning yaxshi namunasi sifatida maza qilib oʻqiyveradilar va maʼnaviy lazzat topadilar. Biz “Lison ut-tayr”ning falsafiy magʻzini anglashga urinar ekanmiz, bu asar oʻz ijodkori falsafiy dunyoqarashining badiiy lavhalardan iborat ekanligini, doston zamondosh yoshlarimizning maʼnaviy va hissiy kamolotlariga jiddiy ijobiy taʼsir qiladi, fahm-farosat va chin muhabbat qoʻllanmasi boʻladi, degan yaxshi niyatimizni bildiramiz.