“Malika Ayyor” dostoni siz-u bizga tanish boʻlgan, “Goʻroʻgʻli” turkumiga kiradigan koʻplab dostonlardan biri boʻlib, doston baxshi Fozil Yoʻldosh tomonidan kuylangan. Doston haqida qisqacha aytadigan boʻlsak, u anʼanaviy ravishda muhabbat hamda ishqiy sarguzashtlar bilan boshlangan va dostonning davomida sevgiga doir kechinmalar tasvirlangan boʻlib, uning tag zamirida esa, aslida imon-eʼtiqod, or-nomus, insoniy iroda, topqirlik, chidam singari ezgu, maʼnaviy sifatlar hamda bunday fazilatlarga ega boʻlish uchun odam oʻtishi zarur sinovlar tasvirlanadi.