Mirzo Ulugʻbek

Atoqli shoir, dramaturg, nuktadon adabiyotshunos Maqsud Shayxzoda o‘zbek adabiyotini, xususan she’riyatini go‘zal lirik she’rlari bilan, dramaturgiyasini esa «Mirzo Ulug‘bek», «Jaloliddin Manguberdi» kabi o‘lmas asarlari bilan boyitdi. Maqsud Shayxzodaning 1960-yilda yaratilgan va chinakamiga shoh asar deya atalishga loyiq «Mirzo Ulug‘bek» tragediyasi XX asr o‘zbek adabiyotida katta adabiy hodisa edi. Zero, shoir Abdulla Oripov yozganidek: Gar tarix evrilsa, shuhrat tojini, Unga kiygizardi Sulton Ulug‘bek.