Odam kimgadir qattiq koʻngil qoʻysa, uning qiyofasini butunlay unutib yuboradi. Keyin esa uning qiyofasini tasavvurida yaratishga intilaveradi, intilaveradi... Bu esa yurakdagi olovni battar alanga oldiradi. Axir, parda ortida turgan odam hamisha sirli tuyuladi... Chin muhabbat deganlari aslida shu... Muhabbat haqida qanchalar koʻp asarlar yozilmasin, insoniyat shuncha unga intilaveradi. Sevgida, muhabbatda toʻyinish hissi boʻlmas balki... Shodiqul Hamroning “Muazzam” qissasi bu borada aynan qalbingizdagi yashirin olovli tuygʻular sari sizni yetaklashiga ishonamiz.