“Nazm boʻstoni” ruknining ushbu kitobida oʻzbek mumtoz adabiyotining hazrat Alisher Navoiydan keyingi eng ulugʻ namoyandalaridan biri, buyuk shoir va mutafakkir, tarixchi va tarjimon Muhammad Rizo Ogahiy (1809–1874) ning turli lirik janrlardagi asarlaridan namunalar oʻrin olgan. Shoirning ushbu toʻplamga kirgan lirik sheʼrlari janrlarining rang-barangligi, hayot falsafasining betakror badiiy talqini, milliy ruh va umumbashariy gʻoyalar uygʻunligi, soʻz sanʼatining nodir namunalari ekani jihatidan alohida ahamiyatga ega. Ushbu nazmiy guldasta sheʼriyat muhiblariga manzur boʻlishiga ishonamiz.