Hikoya qahramonlari ikki maʼshuq va bir maʼshuqa. Aksariyat sevishgan qalblarda shu kabi “sevgi uchburchagi” paydo boʻladi. Ammo, maʼshuqaning koʻngli kimda ekanligi aniq boʻlsa, murosaga hojat yoʻq... Hikoyaning eng samimiy nuqtasi deb ikki maʼshuqning Hazrat Navoiy gʻazallari orqali boʻlgan bahs-munozara desak adashmagan boʻlamiz. Ayni shu lahzalarda ular oʻrtasidagi sodda raqobat koʻzga tashlanadi. Umuman olganda, yigit (ismi keltirilmagan) Janobni oʻziga raqib deb bilmas edi. Chunki, uni oʻzi bir ishni mustaqil qila olmaydigan, doim kimnidir doʻstiga oʻralashib yuradigan, dovdir “navoiyshunos” deb hisoblardi...