“Oʻlik jonlar” rus adabiyoti daholardan biri N.V. Gogol ijodining durdona namunalaridan hisoblanadi. Asar bosh qahramoni – Chichikov “oʻlik jonlar” xaridi uchun butun umrini havoga sovuradi. Uning bu sayohati davomida mayda dvoryanlarning hayotini koʻrsatish bilan birgalikda XIX asrdagi Rossiya ijtimoiy hayotining ogʻir ahvoli ochib berilgan. Yozuvchi bu asariga Rossiya haqidagi butun haqiqatni toʻkib solganligidanmi,asarning 2-jildi yoqib yuborilgan. Gogol oʻz asarini “O, Rus, qayoqqa qarab ketyapsan?” degan savol-chaqiriq bilan tugallaydi.