Ot kishnagan oqshom

Togʻay Murod asarlari – sof milliy oʻzbek qissalari. Togʻay Murod qissalarida tasvirlangan odamlarga boshqa xalq libosini kiydirsangiz ham, oʻzbekligi bilinib turadi. Ularning xulq-atvori ham boshqa xalqqa aslo oʻxshamaydi. “Ayo tarlon, sen mening akamsan. Uka desa degulik mendek ukang bor, aka desam degulik sendayin akam bor, nima gʻamim bor? Ayo tarlon, sen mening birodarimsan. Mening birodarim sensan”. Ushbu satrlarni oʻqib boʻlgach, xayolga tolasiz. Hozirgina mungli qoʻshiq tinglagandek boʻlasiz. Bu qoʻshiq Togʻay Murodning “Ot kishnagan oqshom” qissasida kuylangan. Ushbu qoʻshiq bahonasida sizga yoqimli mutolaa hamroh boʻlsin.