Padarkush

Mahmudxoʻja Behbudiy ʻʻPadarkush” dramasi orqali oʻzbek teatriga tamal toshini qoʻydi. Bu asar 1911-yilda yozilgan boʻlib, unda ilmsizlikning qanday fojiali oqibat kasb etishi ifoda etilgan. Drama ilm-maʻrifatni targʻib qilishda juda katta tarbiyaviy ahamiyatga ega. Asarda boyning alifni kaltak deydigan nodon oʻgʻli Toshmurod yomon odamlar bilan doʻst tutinib, oʻz uyiga oʻgʻrilikka tushadi va oqibatda ota qotiliga aylanadi. Buyuk maʼrifatparvar bobomiz shu qisqagina asar orqali xalq koʻzini ochib, ilmning moddiyatdan ustunligini sahnada koʻrsatib beradi.