Abduqayum Yoʻldoshev qalamiga mansub boʻlgan “Puankare” asari bir umr oʻzi uchun yashashni orzu qilgan, endi bunga vaqt kelganda esa umrining nihoyasi yetib qolgan bechora matematik haqida. Asarni oʻqish davomida Puankare aslida nima ekanligiga javob olamiz. Hikoyani oʻqiyotganingizda inson umri oqar suvdek ekani, oʻtgan vaqtni qanchalik xohlasak ham qaytara olmasligimiz, har lahzamiz oʻlchovli ekaniga yana bir bor amin boʻlamiz. Adib kichik hajmli asarga katta muammolarni sigʻdira olgan.