Qonunlar ruhi haqida

“Qonunlar ruhi haqida” asari – fransuz maʼrifatparvar faylasufi, tarix, huquq va davlat nazariyasi bilimdoni – Sharl Lui Monteskyening markaziy asari hisoblanadi. Ushbu asarning asosiy mavzusi va unda himoya qilinadigan asosiy qadriyat bu – siyosiy erkinlikdir. Bu erkinlikni taʼminlashning zaruriy sharti esa adolatli qonunlar va davlatchilikni toʻgʻri tashkil etishdan iborat ekanligi taʼkidlanadi. Monteskye boshqaruvning tabiati va prinsiplari oʻrtasidagi muvofiqlikni oʻrnatadi. Asarda respublika uchun asosiy prinsip – siyosiy fazilat, monarxiya uchun – sharaf, despotizm uchun esa – qoʻrquvdir, degan qarash ilgari suriladi.