Saxiy tipratikan

Ertak bolajonlarni qo‘li ochiq, saxiy bo‘lishga, shu bilan birga o‘z mehnatini qadrlay bilishga o‘rgatadi. Ertakni O‘zbekiston xalq artisti Jo‘ra Tojiev o‘qigan.Bir bor ekan, bir yo‘q ekan, bir tiratikan bo‘lgan ekan. Kunlardan bir kuni u o‘rmondan o‘tib ketayotib, qushlarning qurayotgan inlariga, chumolilarning yig‘ayotgan donlariga ko‘zi tushibdi. Shundan so‘ng o‘ziga o‘zi «laqillab yurganimdan foyda yo‘q. Men ham o‘zimga bir chopon tikib olay, egnimdagi to‘nim biroz eskirib qolganga o‘xshaydi» deb, o‘ylab - o‘ylab yangi po‘stin tikishga kirishibdi. U elkasidan katta bir ignasini sug‘urib olibdi-da, ishga tushibdi. Ikki kun deganda issiqqina to‘nni bitkazibdi. Po‘stin juda chiroyli chiqibdi. Tayyor bo‘lgan bejirim po‘stinni katta bir to‘nkaning ustiga qo‘yib tomosha qila boshlabdi. Shu payt uzun quloqlarini osiltirib quyoncha kelib qolibdi. «Salom quyonjon, mana men o‘zimga to‘n tikib oldim», debdi tipratikan quyonchaga choponini ko‘rsatib.